బ్లాగుల్లో బోరు, ఆఫీసులో బోరు, ఇంట్లో బోరు. ప్చ్. జీవితం ఎగ్జయిటింగుగానూ లేదు, సెగ్జయిటింగుగానూ లేదు. అంతా పాత చింతకాయ పచ్చడిలా వుంది. ఏదో చేయాలి. ఏదో చేయాలి. ఏం చెయ్యాలబ్బా! ఇండియాలో వుంటే దడదడలాడించేవాడిని కానీ మా ఆవిడ వ్యూహాత్మకంగా నన్ను యు ఎస్ లో వుంచేసి హవుజ్ అరెస్టు చేయించింది. హ్మ్మ్.
కొద్ది రోజులు మార్తాండ (పెట్టబోయే) మఠంలో వుండి వస్తే కాస్త ప్రాణానికి హాయిగా వుంటుందంటారా. ఇండియాలో ఫ్రీగా ఫుడ్డు, బెడ్డు ఇచ్చి పనులేమీ చెప్పని మఠమో, ఆశ్రమమో ఏదయినా వుంటే చెప్పండి. వెరయిటీ కోసం ఓ వారం రోజులన్నా వుండి వస్తాను. చలం గారిలా రమణాశ్రమం చూసుకుంటే బెటరా? నాకు తెలుసు - మీరందరూ నిత్యానంద ఆశ్రమాన్ని రికమెండ్ చేస్తారని. మఠంలో చేరేదే ఏ పనులూ చేయకుండా విశ్రాంతి తీసుకోవడానికి కదా. మళ్ళీ ఆ పనులు అంటే కష్టం కదా!
ఎనీ వే, మా వాళ్ళు వచ్చే నెల ఇండియాకి వెళ్ళాక నేను క్రింది విధంగా విశ్రాంతి తీసుకోవాలనుకుంటున్నాను. మీరేమంటారు?

Edited. Please see comments.ఈ ఫుటో ఎప్పుడో మంచు కాజేసారు (పూరిపాక స్టయిల్లో)

ఓ అజ్ఞాత ఎవరో కామెంటు మోడరేషను లేని బ్లాగులల్లో ఛండాలమయిన వ్యాఖ్యలు చేస్తున్నాడు. జాగ్రత్త!



తప్పు ఎవరిది? కామెంటు మోడరేషను పెట్టుకోని బ్లాగర్లదా లేక వ్యాఖ్యా స్వేఛ్ఛను దుర్వినియోగం చేస్తున్న అజ్ఞాతదా? ఇంటర్నెట్టులో నిజమయిన అజ్ఞాతం అంటూ ఏమీ వుండదని, కాస్త శ్రద్ధ పెట్టి రెసెర్చ్ చేస్తే ఇప్పుడు కాకపోయినా మరోసారి అయినా ఆ అజ్ఞాత ముసుగు ఎత్తివేసి అందరి ముందు నిలబెట్టగలిగే కంప్యూటర్ గీకులు కూడా బ్లాగులోకంలో వున్నారని ఆ అమాయకుడు గమనిస్తే మంచిదేమో!

నిన్న మధ్యాహ్నం నుండి మాకు పవర్పోయింది. భారీ వర్షాలూ, ఈదురుగాలుల వల్ల చెట్లు, కరెంటు వైర్లు పడిపోయి చికాగో మరియు పరిసరప్రాంతాల్లో దాదాపుగా 200,000 పైగా ఇళ్ళల్ళొ కరెంటు పోయింది. యు ఎస్ లోనే ఎత్తయిన కట్టడం షికాగోలోని విల్లిస్ టవర్ (సియర్స్ టవర్) నాలుగు అద్దాలు కూడా ఈ స్టోర్ముకి పగిలిపోయాయి. మా ఇంట్లో కూడా కరెంటు పోయింది :) ఎంత సంతోషంగా వుందో! నేనయితే ఎంజాయ్ చేస్తున్నా. ఇలాంటి అదృష్టం మాకు ఎన్ని ఏళ్ళకో ఒక సారి కాని రాదు. వచ్చినా ఇన్ని గంటలు, రోజులు వుండదు. టివిలు, సిస్టములూ పనిచేయవు కనుక కుటుంబ సభ్యులం హాయిగా కలిసి కబుర్లు చెప్పుకుంటున్నాము, కలిసి ఆడుకుంటున్నాము. ఇతర ఇళ్ళ వాళ్ళతో కూడా కబుర్లు చెప్పుకుంటూ కాలక్షేపం చేస్తున్నాం.
పవర్ స్టేటస్ గురించి కనుక్కుంటే ఇంకా ఎస్టిమేషనులోనే వున్నామనీ, రిపైర్లు మొదలెట్టలేదనీ, పవర్ రావడానికి కొన్ని రోజులు (!?) పట్టవచ్చనీ తెలియజేసారు.


మా రెంటల్ ఆఫీసులో మాత్రం పవర్ వుంది కాబట్టి అక్కడికి వచ్చి నెట్ బ్రవుజ్ చేస్తూ ఈ టపా కూడా వేస్తున్నాను. మా కమ్యూనిటీలోనే మా ఇంటికి కొద్ది దూరంలోనే వున్న మిత్రుని ఇంటిలో పవర్ వుంది. మరీ ఏదయినా అవసరం అయితే వారి ఇంటిలోని సౌకర్యాలు ఉపయోగిస్తాము. మాది గ్యాస్ స్టవ్ వంటకం కాబట్టి పవర్ లేకపోయినా ఫుడ్డుకు మాత్రం ఇబ్బందిలేదు.


ఇంట్లో నెట్ సౌకర్యం లేనందువల్ల కామెంట్లు పబ్లిష్ చేయడం, ఈమెయిల్స్ ఇచ్చిన వారికి రిప్లయ్ ఇవ్వడం ఆలస్యం అవుతుందని గమనించగలరు.   http://www.chicagobreakingnews.com/2010/06/comed-restoring-power-to-200000-customers-affected-by-storms.html?utm_source=feedburner&utm_medium=feed&utm_campaign=Feed%3A+ChicagoBreakingNews+%28Chicago+Breaking+News%29

టొరొంటోలో ఒక సారి స్నేహితులతో కబుర్లాడుతున్నప్పుడు ప్రమాదాల గురించి చర్చకు వచ్చింది. కొంతకాలం క్రితం హైదరాబాదులో రెండు బస్సుల మధ్య దాదాపుగా నలిగిపోయాననీ, అప్పుడు తన ఇష్ట దైవం అయిన వెంకటేశ్వర  స్వామిని తలచుకున్నానని నా స్నేహితుడు చెప్పాడు. ఆ తరువాత మంచులో నా కారు జారి ప్రమాదం అయిన విషయం చెప్పాను. మీరు ఏ దేవుడిని తలచుకున్నారు అని నన్ను అడిగాడా స్నేహితుడు.
911 అని నేనన్నాను.   
http://en.wikipedia.org/wiki/9-1-1

 ఇదేదో స్వీట్ వంటకం అనుకునేరు. కాదు ఎల్ జి బి టి వారిని  ఇలా Queer అని కూడా పిలుస్తారు. ఇదివరలో ఈ పదం అంటే నెగటివ్ అర్ధం వుండేది కానీ ఇప్పుడు ఎల్ జి బి టి కమ్యూనిటీ దానిని తమ ప్రైడ్ గా మలచుకుంది. LGBT లో తరువాత్తరువాత ఐ, క్యూ అలా అలా ఎన్నొ ఉప ప్రవృత్తులు కలిసిపోవడంతో ఆ పదం LGBTIQ  అలా అలా చాంతాడవుతోంది. దానికంటే అన్నింటినీ కలిపి క్వీర్ పదం వాడటం తేలిగ్గా వుంటుంది. నన్ను మీరు గే/బై అనే కాకుండా  'క్వీర్' శరత్ అని కూడా పిలవచ్చు.

క్వీర్ లో వుండే వివిధ ప్రవృత్తుల గురించి నెమ్మదిగా చెప్పుకుందాం. ఈ పదం గురించి మీకు ఇంకా తెలుసుకోవాలనే ఆసక్తి వుంటే ఈ క్రింది లింక్ క్లిక్ చేయండి.    http://en.wikipedia.org/wiki/Queer

కెనడాలోని టొరొంటోలో అక్సా పర్వెజ్ అనే అమ్మాయిని స్వంత తండ్రి, సోదరుడు కలిసి డెసెంబర్ 10, 2007 ఉదయం 7:30 గంటలకు ఉరి వేసి చంపేసారు.  ఆ అమ్మాయి అప్పుడు 11 వ తరగతి చదువుతోంది. అప్పటినుండి కేసు నడుస్తోనే వుంది. తండ్రి చేసిన నేరాన్ని ఒప్పుకున్నాడు. మరి కొంత కాలం తరువాత సోదరుడిని కూడా పోలీసులు అరెస్టు చేసారు. ఆ కేసు విచారణా క్రమంలో తండ్రి కొడుకులు ఇద్దరూ నిన్న తమ నేరాన్ని అంగీకరించారు.  

హిజాబ్ ధరించడాన్ని  తిరస్కరించినందుకు, పాశ్చాత్య దుస్తులు ధరిస్తానన్నందుకు ఆ హత్య చేసారు.  మత మౌఢ్యం తలకెక్కితే స్వంత సంతానాన్నే హత్య చేసేంతగా ఆప్యాయతా,అనురాగాలు దూరమవుతాయనడానికి ఇది ఒక ఉదాహరణ.  మా అక్క అత్తగారి ఊరులో ఒక అమ్మాయి చెడు పని చేసినందుకు తల్లితండ్రులే ఆమెను హత్య చేసారనీ, ఆ అమ్మాయికి తగిన శాస్తి జరిగిందనీ, తల్లితండ్రులు మంచి పని చేసారనీ నా చిన్నప్పుడు  మా అమ్మగారు చెప్పుకురావడం ఈ సందర్భంలో నాకు గుర్తుకువచ్చింది. మరి ఇప్పుడు కూడా మా అమ్మగారికి అలాంటి బలీయమయిన భావాలు వున్నాయో లేవో తెలియదు. 

http://en.wikipedia.org/wiki/Aqsa_Parvez

మేము నయాగరా ఫాల్సులో నివసిస్తున్న రోజులవి. ఒక రోజు కుటుంబంతో కలిసి వాల్‌మార్టుకి వెళ్ళాను. అర్జంటుగా నంబర్ 2 కి వచ్చి రెస్టు రూముకి వెళ్ళాను.  సెకండ్ గేర్ వేసానో లేదో తలుపు మీద టక్ టక్ అని చప్పుడు. అయిదు నిమిషాలు వేచి వుండమని చెప్పి నా పనిలో నేను మునిగిపోయాను. మళ్ళీ వెంటనే టక్ టక్ - కొంచెం గట్టిగా. ఓపికగా ప్లీజ్ వెయిట్ అని చెప్పాను. ఊహూ. అవతలి వారూ అది వినిపించుకోలేదు. మళ్ళీ దడా దడా అని తలుపు బాదారు. కొద్ది సేపు ఆగండి అని చిరాగ్గా అని కళ్ళుమూసుకొని తన్మయత్వం చెందసాగాను. తలుపు క్రింద చప్పుడయ్యి ఎందుకో చూద్దును కదా ఓ ఇరవై అయిదేళ్ళున వ్యక్తి ఒకరు రెస్టు రూము తలుపు క్రింది నుండి బోర్లాపడుకొని లోపలికి వస్తున్నాడు.     
అలా లోనికి వస్తున్న వాడిని చూసాక నా క్రింది ప్రాణాలు క్రిందికే, పై ప్రాణాలు పైకే పోయాయి.  నాకేం చెయ్యాలో తోచలేదు. అప్పటికీ నేను ఆ సీటు మీదినుండి లేవకపోతే వాడు నా చంక నెక్కి అయినా కూర్చుని పని కానిచ్చే ప్రమాదం వుందని హడావిడిగా సర్దుకొని బయటపడ్డాను. అలా అర్ధాంతరంగా ఆ పని ముగించిన నా అవస్థ చెప్పడానికి అంతగా బావోదు కనుక మీరే ఊహించుకోండి!    

బయటకి వచ్చి మా ఫ్యామిలీకి చెబితే తెగనవ్వేసారు. మరు నాడు ఆఫీసులో కోలీగులకి చెబితే బాగా నవ్వేసారు. వాడికి వేడివేడి టాయిలెట్ సీటు దొరికివుంటుందని డేవ్ నవ్వాడు. వాల్‌మార్ట్ స్టాఫ్ కి ఫిర్యాదు చేయలేదా అని ఒక కోలీగ్ అడిగింది. అలా లోనికి వచ్చిన వాడు మందమతి (psychologically handicapped) అని, అందుకే అతని అవస్థని అర్ధం చేసుకొని ఎవరికీ ఫిర్యాదు చెయ్యలేదని చెప్పాను.   

ఓ తొమ్మిదేళ్ళ క్రితం సంగతి ఇది. కెనడా చూడటానికి మా అమ్మగారు ఇండియా నుండి వచ్చింది. ఒక ఏడాది అయిన తరువాత ఇండియా తిరిగి వెళ్ళేముందు కెనడా గురించి తన అభిప్రాయాన్ని సమీక్షించి చెప్పింది. "కెనడా అన్ని విధాలుగా చక్కగా నచ్చింది కానీ బాబూ - అమ్మాయిలూ, అబ్బాయిలూ అలా బహిరంగంగా ముద్దులిచ్చుకోవడం, కౌగిలించుకోవడమే నాకు నచ్చలేదు" అని చెప్పింది.    అలా ప్రవర్తించడం వీరి యొక్క సంస్కృతి అనీ, దానిని వారు తప్పుగా, పొరపాటుగా భావించరనీ తెలియపరిచాను. అలాగే భారత సంస్కృతిలోని కొన్ని విషయాలూ వారికి ఎబ్బెట్టుగా తోస్తాయని క్రింది ఉదాహరణ చెప్పాను.   
అప్పుడు మా పెద్ద పాప వయస్సు నాలుగేళ్ళు వుంటుందేమో. పక్కింటి తెల్లామెతో మా ఆవిడ ముచ్చట్లు పెడుతున్నప్పుడు మా పాప ఎక్కడ పడుకుంటుందనే టాపిక్ వచ్చింది. మా ఆవిడ క్యాజువలుగా మాతోనే పడుకుంటుంది అని అన్నది. దానికి ఛీ, ఇంత పెద్ద పిల్ల మీ దంపతులతో పాటే పడుకుంటుందా అని  ఏవగింపుతో కూడిన ఎక్స్‌ప్రెషన్ ఇచ్చిందంట. ఇక్కడి పిల్లలు రెండేళ్ళ వయస్సు నుండే విడి గదిలో పడుకుంటారు. ఇంకా చాలా మంది ఇక్కడి తల్లితండ్రులు తమ పిల్లలని పుట్టిన కొన్ని నెలల నుండే విడిగా వేరే గదిలో పడుకో బెడుతూ పిల్లలని గమనించడానికి మానిటర్లూ గట్రా ఏర్పాటు చేస్తారు.    ఇండియాలో (చిన్న) పిల్లలు తల్లితండ్రులతో కలిసి నిద్రించడాన్ని పొరపాటుగా చూడము కదా. 

ఎవరి సంస్కృతిని వారు గౌరవించుకుంటూనే ఇతరుల సంస్కృతిలో మంచితనం ఏమయినా అనిపిస్తే ఆహ్వానించగలగాలి.  మన సంస్కృతి అని మంకు పట్టు పట్టి చాదస్తంగా బూజుపట్టిన సాంప్రదాయాలు పాటించినా ప్రయోజనం వుండదు. సంస్కృతి గురించి ప్రాకులాడుతున్న వారు ఎన్ని విషయాల్లో సాంస్కృతిని పాటిస్తున్నాం అన్నది కూడా పరిశీలించుకోవాలి. తాటాకుల మీద వ్రాయడం భారతీయ సంస్కృతి కానీ బ్లాగుల్లో వ్రాయడం భారతీయ సంస్కృతి కాదు కదా :))    ఇలాంటప్పుడు మాత్రం సాంస్కృతిక వారసత్వం గుర్తుకు రాదేం!  అలాగే మిగతా విషయాల్లోనూ ఇలాంటి విశాల దృక్పధమే వుండాలని నేను ఆశిస్తున్నాను.    

రెండు మూడు రోజుల క్రితం భారతీయ సంస్కృతి పేరిట మూఢనమ్మకాలు విపరీతంగా ప్రచారం చేసే ఒక బ్లాగులో తన ఊహాగానాలు ఏవో నిజమయ్యాయనే భ్రాంతులతో జ్యోతిష్యం పై ఒక టపా వచ్చింది.  అది నచ్చని వారు కొందరు ఆ టపాని విమర్శిస్తూ వ్యాఖ్యలు చేసారు. అంతవరకూ బాగానే వుంది కానీ ఆ జ్యోతిష్యం టపా అంతా బూతు అనీ ఓ ఇద్దరు విమర్శకులు నొక్కి వక్కాణించడం నాకు చిరాకుని తెప్పించింది. జ్యోతిష్యం బూతేమిటి నా బొందా? ఆ కామెంట్లు ఇక్కడ వేద్దామంటే ఆ బ్లాగులో ఆ కామెంట్లు తీసివేసారు.

జ్యోతిష్యం నచ్చకపోతే తిట్టడానికి ఎన్ని తిట్లు లేవు. వారికి బూతే దొరికిందా? అలా ఎలా పడితే అలా బూతుని వాడుతూ దానికి వున్న గౌరవాన్ని ఎందుకు చెడగొడతారో అర్ధం కాదు. జ్యోతిష్యం, వాస్తు వంటి దగాకోరు శాస్త్రాలని విమర్శించడానికి అది తప్ప వేరే పదం దొరకలేదా? హేతువాదులకి అలాంటి సహకారం అందిస్తాడో లేదో తెలియదు కానీ ఒంగోల్ శ్రీనుని అడిగితే ఎన్నెన్నొ గొప్ప గొప్ప తిట్లు నేర్పుతాడు కదా.   ఇలా ప్రతి అడ్డమయిన దానిని విమర్శించడానికి  బూతుని వాడి దాని విలువని కించపరచడాన్ని నేను ఖండిస్తున్నాను అధ్యక్షా. ఆ టపాలో ఏమాత్రమయినా శృంగార భావనలు వున్నా పోనీలే అనుకోవచ్చు కానీ శృంగారానికి ఏమాత్రం సంబంధం లేని ఆ టపాలో వీరికి బూతు ఏం కనిపించిందో భూతద్దం పెట్టి వెదికినా నాకు కనిపించలేదు. అందుచేత కత్తి మహేశ్ గారికీ, తిక్క తింగరోడు గారికీ  పరమోత్కృష్టమయిన బూతు అన్న పదాన్ని సరి అయిన సందర్భాలలోనే   ఉపయోగించాల్సిందిగా విజ్ఞప్తి చేయడమయినది.  

బూతుని ఇష్టపడేవారూ, అభిమానించేవారూ, గౌరవించేవారూ వున్నారు. అందువలన దానిని ఒక తిట్టు లాగా ఉపయోగించకుండా, ఆ పదాన్ని తేలిక పరచకుండా, ఎల్లలెరుగని శృంగార భావనలని సూచించడానికి మాత్రమే  అది ఉపయోగించడం సముచితంగా వుంటుందని నా అభిప్రాయం.

 http://thatstelugu.oneindia.in/news/2010/06/11/iit-h-sacks-gay-activist-ashley-tellis-110610.html
హైదరాబాద్: ఇండియన్ ఇనిస్టిట్యూట్ ఆఫ్ టెక్నాలజీ - హైదరాబాద్ (ఐఐటి - హైదరాబాద్) నుంచి ఫ్యాకల్టీ సభ్యుడు అశ్లే టెల్లిస్ కుఉద్వాసనకు గురయ్యాడు. గే కార్యకలాపాల కార్యకర్త కావడమే అందుకు కారణం. ఇరవై ఏళ్ల బోధనానుభవం గల ఆ అధ్యాపకుడిని పక్షం రోజుల కిందట తొలగించినట్లు ఓ ఆంగ్ల దినపత్రిక వార్తాకథనాన్ని ప్రచురించింది. చట్టవిరుద్ధమైన ప్రవర్తనకు అతన్ని తొలగిస్తున్నట్లు సంస్థ చెప్పింది. ఈ విషయంపై మాట్లాడడానికి ఐఐటి - హైదరాబాద్ డైరెక్టర్ ఉదయ్ దేశాయ్ అందుబాటులో లేరని పత్రిక రాసింది.

గే కార్యకలాపాలకు ఎఎంయుకు చెంది ఎస్ఆర్ సిరాస్ కు ఉద్వాసన చెప్పినప్పటి నుంచి టెల్లీస్ ను తొలగించడానికి ఐఐటి - హైదరాబాద్ ప్రయత్నిస్తున్నట్లు సమాచారం. తనను అకస్మాత్తుగా తొలగించడంపై వివరాలు కావాలంటూ టెల్లీస్ ఆర్టీఐ కింద దరఖాస్తు చేసుకున్నాడు. టెల్లిస్ లిబరల్ ఆర్ట్ డిపార్ట్ మెంటులో అసిస్టెంటు ప్రొఫెసర్ గా పనిచేస్తున్నాడు. దేశంలో గే హక్కుల ఉద్యమంలో ప్రధాన పాత్ర పోషిస్తున్నాడు. కేంబ్రిడ్జీ విశ్వవిద్యాలయం నుంచి పిహెచ్ డి పట్టా తీసుకున్న అతను పలు పుస్తకాలు కూడా రాశాడు. అశ్లే ఐఐటి - హైదరాబాదులో చేరడంపై కూడా తీవ్ర వ్యతిరేకత ఎదురైంది.

ఇప్పుడే ఇదివరలో నా బై పుస్తకం ప్రింట్ చేస్తానన్న ప్రింటరుతో మాట్లాడాను. వాళ్ళ DTP అమ్మాయిలు పుస్తకం చదవనే చదవలేదట. కేవలం ఇండెక్స్ DTP చేయమని ఇస్తేనే అది చూసి హడలి చచ్చారంట! హ్మ్మ్.

మీకు ఎవరయినా గట్స్ వున్న ప్రింటర్లు  AP లో తెలిస్తే చెప్పండి. నా పుస్తకంలో బూతు ఏమీ వుండదు. సరసమయిన వర్ణనలు కొన్ని వుంటాయంతే. అలా ధైర్యమున్న ప్రింటర్లు ఎవరూ లేకపోతే lulu.com ద్వారానో లేక pothi.com ద్వారానో నా పుస్తకాలు బల్కుగా ప్రింట్ చేయించుకుంటాను. అలా ధర ఎక్కువవుతుందనుకోండి. అయినా చూద్దాం. లేకపోతే నా ఇంట్లోని ప్రింటర్ నుండయినా ఇక ప్రింట్ చేసుకోవాలి. అదీ చూద్దాం.   

బహిరంగా చెప్పలేకపోతే అజ్ఞాతంగా అయినా చెప్పండి. నా క్యాటగిరీ 3. ఈ 7 పాయింట్ల స్కేలు కిన్సే తయారుచేసారు.
1.exclusively heterosexual
2.predominantly heterosexual, incidentally homosexual
3.predominantly heterosexual, but more than incidentally homosexual
4.equally heterosexual and homosexual
5.predominantly homosexual but more than incidentally heterosexual
6.predominantly homosexual, incidentally heterosexual
7.exclusively homosexual

ఏదో సినిమాలో తన ప్రియురాలు కొత్తగా కలిసి వెళ్ళిందన్న ఆనందంతో చార్లీ చాప్లిన్ ఇల్లంతా పీకి పందిరి వేస్తూ సంతోషపడుతూవుంటాడు. పర్సు మరచిపోయి ఈలోగా ఆమె తిరిగివచ్చి ఇతగాడి సంబడం చూసి అవాక్కవుతుంది.

మేము హైదరాబాదులో వుంటున్నప్పుడు ఒక సారి మా పాపనూ, మా ఆవిడనూ, అమ్మనూ ఊరికి బస్సెక్కించి, బస్సు బయల్దేరే దాకా వుండి, టాటా చెప్పి మరీ ఇంటికివచ్చి సంబరపడ్డాను కానీ అరగంటలో వాళ్ళు ముగ్గురూ  తిరిగివచ్చారు :(   బంగారం నగలు పెట్టిన బ్యాగు బస్సు స్టాండులోనే మరచిపోయి బస్సెక్కారు వాళ్ళు. కొద్దిదూరం వెళ్ళాక అది గుర్తుకువచ్చి లబలబలాడుతూ బస్సు ఆపించి ఆటోలో వెనక్కి వచ్చి చూసుకుంటే ఆ బ్యాగు ఒకామె పట్టుకొని కూర్చున్నదట. ఎవరూ రాకపోతే ఆ బ్యాగు ఎత్తేద్దామనుకున్నదేమో కానీ వీళ్ళు వచ్చి అడిగేసరికి ఆ బ్యాగు ఇచ్చేసింది. ఆ బంగారం తిరిగి దొరికిన ఆనందంతో ఇంటికి ఆటోలో చక్కా వచ్చారు :(  
వచ్చేనెల 19 న మా ఆవిడా, పిల్లలూ ఇండియా వెళుతున్నారు. అక్కడ మా ఆవిడ అక్కయ్య బిడ్డ పెళ్ళి వుంది. 'ఈ అమ్మాయికి చక్కని వరుడిని చూద్దామా?' అని ఒకసారి టపా వేసాను - గుర్తుకువుందా? ఆ అమ్మాయికే చక్కటి సంబంధం కుదిరింది.  అబ్బాయి IIM లో చదువుతున్నాడు.  అతను సినిమా హీరోలు రాం చరణ్ తేజ, రాణాల సహాధ్యాయి అని తెలిసింది.  వాళ్ళు అప్పుడప్పుడు కలుస్తుంటారంట. ఈ పెళ్ళికి కూడా వస్తారేమో తెలియదు. ఇదంతా సరి అయిన సమాచారం కాకపోవచ్చు. వాళ్లకు చాలా ఆస్థి,సంస్థలు  వున్నాయిట. ఒక కోటి పెట్టి అబ్బాయి వాళ్ళే పెళ్ళి నిర్వహించబోతున్నారు. ఒక్కడే కొడుకు, అక్కా చెళ్ళెళ్ళు లేరు.
ఈ సారి కూడా  మా వాళ్ళని  జాగ్రత్తగా విమానం ఎక్కించి టాటా చెప్పి వస్తాను కానీ ఏ ఐసుల్యాండులోనో ఏ అగ్నిపర్వతమో పేలి మా వాళ్ళు వెంటనే వెనక్కు తిరిగి రాకుండా వారి ప్రయాణం సాఫీగా జరగాలని కోరుకుంటున్నాను.     దాదాపు మూడేళ్ళ తరువాత నాకు వస్తున్న స్వేఛ్ఛ ఇది మరి :)  ఇండియాలో వుంటున్నట్లయితే అడపాదడపా మనల్ని వదిలేసి పిల్లలూ, పెళ్ళాలూ తల్లిగారింటికో, అన్నలింటికో, అక్కలింటికో వెళ్ళేవాళ్ళు. ఇక్కడ అలాంటి సీను  లేదు కదా. అస్తమానం తోకలాగా వెంట వుండటమేనాయే. ఇంకా నాకు స్వేఛ్ఛ ఎక్కడిది? అందుకే ఈ సారి మా ఆవిడ, పిల్లలు అటెళ్ళగానే, ఇటు నేను పండగ చేసుకుందా మనుకుంటున్నాను. పండగ అంటే మీరు వేరే అర్ధాలు ఏమీ తీయనక్కరలేదు. నా అల్పానందం మీకు తెలిసిందే కదా. ఏదో లో ప్రొఫయిల్లో కొద్ది కొద్దిగా...  అలా అలా... అంతే!    అహబ్బే వేరే ఏమీ లేదండీ, వీకెండులో డ్రైవర్ ఉద్యోగం తప్పుతుంది కాబట్టి ఓ బీరు కొట్టి హాయిగా బజ్జోవడం అంతే. 
ఇహ అప్పుడు నాకు తోడుగా మా పోకిరి (పిల్లి) గాడుంటాడంతే. నన్నూ ఆ పెళ్ళికి రమ్మని గట్టిగా ఇండియా నుండి అంటున్నారు కానీ రకరకాల కారణాల వల్ల వీలవడం లేదు. హ్మ్. మా ఆవిడ కూడానూ వెళ్ళి ఇండియాలో కూడా నా స్వేఛ్ఛా, స్వాతంత్ర్యాలను హరింపచేసుకోవడం ఇష్టం లేకపోవడం కూడా ఒహ కారణం! మరి ఎప్పుడో ఓ నెలన్నర తరువాత వెళుతున్నదానికి ఇప్పుడే ఈ టపా ఎందుకు వేసానని మీకు సందేహం రావచ్చు. దానినే అల్పసంతోషం అంటారు. ఇవాళే టికెట్లు కొన్నాను. ఆ ఆనందపు ఉబ్బరం ఆపుకోలేక టపా వేస్తున్నాను. అప్పటి ఆనందం కోసం ఇప్పటినుండే ప్రి పరేషాన్ కావాలి కదా!!   జైహో శరత్ అనండి మీరు కూడానూ.   

నా బ్లాగు మిత్రులు నన్ను కలవడనికి వస్తున్నారని తెలిసిన ఇతర మిత్రులు ఈ విషయం పై ఆసక్తి ప్రదర్శించారు. పైగా ఇదివరకెప్పుడు చూడని స్నేహితులను కలవడం పై ఎలాంటి ఉత్సూత వుంటుందో వ్యాఖ్యానించారు. ఎప్పుడెప్పుడు బ్లాగ్మిత్రులు వస్తారా అని ఎదురుచూస్తూవుంటే అక్కడ వున్న ఇతర మిత్రులు సరదాగా కామెంట్లు వేసారు.  
పానీపూరి ని నేను బస చేస్తున్న ఇంటికే రమ్మని ఆహ్వానించాను. వారు ఇదివరకు నా ఫోటో కానీ, వీడియో కానీ చూడలేదట. నేను కూడా వారిని చూడటం ఇదే ప్రధమం. వారి కలం పేరు వున్నంత సరదాగా వారు అనిపించలేదు. వారి కలం పేరుకి, బ్లాగు వ్యక్తిత్వానికీ, నిజమయిన వ్యక్తిత్వానికి తేడా వుంది. నిజ జీవితంలో వారు కాస్త రిజర్వుడుగా, ఫార్మల్ గా అనిపించారు. ఫార్మల్ గా మా మధ్య సంభాషణ నడిచింది. వారి గురించి నేను, నా గురించి వారు ప్రాధమిక విషయాలు తెలుసుకున్నాం.    
మేము మాట్లాడుకుంటుండగానే మధ్యలో డల్లాస్ నాగ్ వచ్చారు. వారి పేరుకి తగ్గట్టె హుశారుగా వున్నారు. చలాకీగా మాట్లాడారు.  పానీపూరీ, నాగ్ ల పరిచయం కూడా అప్పుడే. ఇక ముగ్గురం బ్లాగర్లం కలిసాము కాబట్టి బ్లాగుల మీద, బ్లాగర్ల మీద, బ్లాగుల్లో సమకాలీన రాజకీయాల మీద అందరం సరదాగా ముచ్చటించుకున్నాం.   అయితే మా వాళ్లంతా అనుకోకుండా వేరే చోటికి వెళ్ళే ప్రొగ్రాం పెట్టేయడంతో ఎక్కువ సేపు మాట్లాడలేకపోయాము. మా బ్లాగర్ల సమావేశాన్ని త్వరగా ముగించాల్సి వచ్చింది. ఇహ చాలు, మీ సమావేశం ముగించి బయలుదేరండి అన్న నా హై కమాండ్ ఆజ్ఞ విని హడావిడిగా కబుర్లు ఆపాము. నాకు వేరే ప్రోగ్రాం లేకపోయివుంటే మా ముచ్చట్లు ఇంకా ఎంతకాలం సాగివుండేవో. తనివి తీరని ముచ్చట్లతో అలా ముగ్గురం అర్ధాంతరంగా వీడ్కోలు తీసుకున్నాం. మిగతా విషయాలు ఫోనులో మాట్లాడుకోవాలని అనుకున్నాం.  

మా బుల్లి (వీడియో) బ్లాగర్ అమ్మలు ని ఇద్దరికీ పరిచయం చేసాను కానీ తను బ్యుజీగా వుండటం వల్ల మమ్మల్ని అంతగా లెక్కచేయలేదు. నా మిగతా కుటుంబ సభ్యులను కూడా పరిచయం చేసాను.  కొంతమంది ఇతర మిత్రులని కూడా పరిచయం చేయగలిగాను. మా సమావేశానికి ఏర్పాట్లు చేసి, మా అవసరాలు కనుక్కున్న నా మిత్రుడు రెడ్డి (గారు) కి ఈ సందర్భంలో ధన్యవాదాలు తెలియజేసుకుంటున్నాను.  సమయాతీతమవుతున్న హడావిడిలో మేము ఫోటోలు తీసుకోవడం మరచేపోయాము.  

టొరొంటోలో ఉద్యోగం చేస్తున్నప్పుడు టర్కిష్ కోలీగ్ వుండేవాడు. పిల్లలకు పేరు పెట్టేముందు ముందూ, వెనకా అన్నీ చూడాలనీ, లేకపోతే పిల్లలకు స్కూలులో ఇబ్బందులు ఎదురవుతాయనీ చెప్పాడు. పేరుని రివర్సు చేసి లేదా అటు తిప్పీ, ఇటు తిప్పీ పిల్లల స్నేహితులు ఆటపట్టిస్తారనీ చెప్పాడు.  వాళ్ళమ్మాయికి తెలియక ఒక పేరు పెట్టాడట. దానిని రివర్స్ చేసి బడిలో పిల్లలు వెక్కిరించేవారుట. ఆ విధంగా ఆ అమ్మాయి చాలా ఇబ్బంది పడిపోయిందంట. కాలేజీలో కూడా అలా అవస్థల పాలయ్యిందంట.

ఏమిటా పేరు అని మరో కోలీగు అడగనే అడిగేసాడు. వద్దులే బావుండదులే అన్నాడు మా టర్కిష్ కోలీగ్. ఫర్వాలేదులే, మనమే కదా వున్నాం, చెప్పు, చెప్పు అని ఆ కోలీగ్ ప్రోత్సహించాడు. సరే అని అప్పుడు చెప్పాడు మా టర్కిష్ కోలీగ్ తన కూతురి పేరు.  SUNA

మా పెద్దమ్మాయి ఇండియాలోనే పుట్టింది కాబట్టి అక్కడే పేరు పెట్టాము కానీ ఇక్కడ ఎలాంటి ఇబ్బందీ ఇంతవరకు ఎదురుకాలేదు.    మా రెండో అమ్మాయి టొరొంటోలో పుట్టింది.  పేరు పెట్టేటప్పుడు మా కోలీగ్ చెప్పిన విషయాలు దృష్టిలో వుంచుకొని జాగ్రత్తగా పెట్టాము. ఇప్పటి వరకయితే ఎలాంటి ఇబ్బందీ ఎదురుకాలేదు.
పై ఫోటోలొని పేరు మీకు అర్ధమయ్యిందా? బల్బ్ వెలిగిందా లేదా :))   

మా బంధు మిత్రులలొ చాలామందికి నేను బై సెక్సువల్ అని తెలియదు. తెలిసిన ఆ కొద్దిమందికి కూడా నేను ఆ LGBT ఉద్యమంలో పాల్గొంటున్నానని, హక్కుల కోసం, అవేర్నెస్ కొసం నా వంతు కృషి చేస్తున్నానని తెలియదు. వాళ్ళు నా బ్లాగులు చదివితే తెలిసేదేమో గానీ నా ప్రైవసీ చెడిపోతుందని ఇంతవరకూ నా బ్లాగు లింకులు వారికి ఇవ్వలేదు.

ఇప్పటిదాకా బ్లాగుల్లో మిమ్మలందరినీ ఒక మోడల్ గా తీసుకొని డిసెన్సిటైజేషన్ ప్రయోగం జరిపాను. అనగా మిమ్మల్నదరినీ గిన్నీ పిగ్స్ గా నా ప్రయోగానికి వాడుకున్నానన్నమాట! అది విజయవంతం అయ్యింది.  అందుకే ఇక మా బంధు, మిత్ర వర్గాల మీద పడుతున్నాను.   ఆ కార్యక్రమం టెక్సాసుకి వెళ్ళినప్పుడు ప్రారంభించాను. అందరికీ అసలు విషయం చెప్పకుండా నేనొక కొత్త ఉద్యమంలో పాల్గొంటున్నా అనీ, నా బ్లాగులు చూస్తే ఇప్పటివరకూ నా గురించి మీకు తెలియని కోణం తెలుస్తుందని, దానిని అందరూ అర్ధం చేసుకుంటారని భావిస్తున్నానని కొన్ని సార్లు హెడ్స్ అప్ ఇచ్చాను. ఆ విధంగా వారందరి మనస్సులని ఈ విషయమై సంసిద్ధం చేసాను. అసలు విషయం అడిగితే చెప్పలేదు. మళ్ళీ చికాగో వచ్చాక అందరికీ నా బ్లాగు లింకులు పంపించాను. మరి వారు నా బ్లాగులు చదివారా, కొంతమంది అయినా చదివినా నా గురించి ఐడియా వచ్చిందా, లేదా అన్నది నాకు ఇంకా తెలియదు. మా ఆవిడ ఇంకా నన్ను తిట్టలేదూ అంటే ఆడ జనాభాలో నా గురించి ఏమీ చర్చ నడుస్తున్నట్లు లేదు!     
ఇలా నా లైంగిక ప్రవృత్తి గురించీ, ఉద్యమం గురించీ బంధు మిత్ర వర్గాల్లో బహిరంగ పడదలుచు కుంటున్నానని నా దగ్గరి మిత్రులకు, శ్రేయోభిలాషులకూ చెప్పినప్పుడు వారు అలా వద్దు అని ఏమీ నిరోధించే ప్రయత్నం చేయలేదు. అలా అనీ ప్రోత్సహించనూలేదు. వద్దని చెప్పినా వినే మనిషి కాదని కూడా అలా వద్దు అని అనలేదేమో తెలియదు.   మొత్తమ్మీద ఇకనుండి వీలయినప్పుడల్లా, సముచితం అనిపించినప్పుడల్లా నేనేంటో మా అందరికీ తెలియబుచ్చుతూనేవుంటాను. 

కొంతకాలం క్రితం ఒక మిత్రుడు మా ఇంటికి వచ్చారు. ఒక సందర్భంలో గే ల గురించి మాట్లాడుతూ చెక్కా గాళ్ళు అన్నారు. వారు అలా అవహేళన చేయడం నచ్చకపోయినా నేను అప్పుడు కిమ్మనలేదు. ఎందుకంటే ఇంకా అప్పుడే నా గురించి బహిరంగపడదలుచుకోలేదు కాబట్టి. అప్పటికింకా మీమీద చేస్తున్న ప్రయోగాలు అయిపోలేదు మరి :)) ఇకముందు అలాంటి సందర్భాలు వస్తే అది హొమోఫోబియా అని, నేను గే/బై అనీ, నాలాంటి వారిని అవమానించినట్లే అనీ తెలియపరుస్తాను.  

అని ఆంధ్రజ్యోతిలో ఒక వార్త వచ్చింది.  http://www.andhrajyothy.com/mainnewsshow.asp?qry=2010/jun/4/latest/4new26అందులో ఇలా వుంది......అయితే ఒకవైపు టి.టి.డి. పాలకమండలి ఈ రకమైన మార్గ దర్శక సూత్రాలను భక్తులకు నిర్దేశిస్తుంటే, ఆలయంలో దర్శనంకోసం వరుసలో నిల్చునే భక్తులను నియంత్రించే మిషతో సిబ్బంది మాత్రం మహిళాభక్తుల పట్ల అసహ్యంగా ప్రవర్తిస్తున్నారు. ఇది చాలా కాలంగా జరుగుతున్నదే. దేవుని దర్శించుకోవడానికి పిల్లా జెల్లలతో వచ్చే మహిళా భక్తులను ఎక్కడపడితే అక్కడ చేతులు వేసి, అది కూడా కావాలని చేతులు వేసి మంచీ మర్యాదా లేకుండా దురుసుగా ప్రవర్తించే భద్రతా సిబ్బంది చేష్టలు చెప్పనలవి కాదు. మరి ఇటువంటి సంఘటనలపై చర్యలు ఏవని భక్తులు ప్రశ్నిస్తున్నారు. తాజాగా శుక్రవారంనాడే చిత్తూరు జిల్లానుంచి పాపను ఎత్తుకుని దైవ దర్శనానికి వచ్చిన ఒక మహిళను ఒక స్కౌట్ నడుంపై గిల్లిన సంఘటన జరిగింది. ఈ సంఘటనతో ఎంతో మనోవేదనకు గురైన ఆ మహిళ ఇదేం పద్ధతి అని ప్రశ్నించినా తగిన సమాధానం ఆలయ పెద్దలనుంచి రాలేదు. ఆమె చివరికి కన్నీళ్లపర్యంతమై కలియుగ దైవాన్ని దర్శించుకోకుండానే వెనుదిరిగింది. ఈ వార్త చూసాక నాకొక విషయం గుర్తుకువచ్చింది. ఓ మూడేళ్ళ క్రితం ఇండియా వెళ్ళినప్పుడు ఆస్తికురాలయిన నా భార్య కోరిక మేరకు ఆమెకు తోడుగా నాస్తికుడిని అయిన నేను కూడా తిరుపతి, తిరుమల దర్శించుకున్నాను. ఆలయాల్లో వుండే మంచి విషయాలనూ, మోసాలనూ గమనిస్తూ వెళ్ళాను. తిరుమల గుడిలో స్వామి దర్శనానికి వెళ్ళినప్పుడు భక్తులను అదుపుచేసే ఆలయ పోలీసు ఒకరు అవసరం లేకున్నా మా ఆవిడ భుజం మీద చేతులు వేసి నొక్కుతూ ముందుకు తోసాడు. ఆమె నెమ్మదిగా నడుస్తున్నా, నిలబడే వున్నా ఏమో అనుకోవచ్చు.  కానీ ముందు వున్నవారితో కలిసి వడివడిగా నడుస్తూనే వున్నా కూడా కావాలని ఆ పోలీసు గుడిలో ప్రవర్తించిన పద్ధతిని జీర్ణించుకోలేకపోయాను. మా ఆవిడ అసహనం వ్యక్తపరచి ముందుకు సాగిపోయింది. అతను ఏమీ ఎరుగనట్లే ముఖం తిప్పుకున్నాడు. తిరుమల గుడిలో సంస్కృతి ఇదే నేమోనని మిన్నకుండిపోయాను. ఎవరికయినా ఆ విషయం ఫిర్యాదు చేద్దామనుకున్నా కానీ ఆస్తికులకు లేని దురద నాస్తికుడిని అయిన నాకెందుకులే అని దులిపేసుకున్నాను.  ఒక సారి అనుభవం అయ్యింది కాబట్టి ఈ సారి ఏ గుడికి అయినా ఇండియాలో తోడుగా వెళ్ళాల్సివస్తే అప్రమత్తంగా వుంటాను.  

అయిదారేళ్ళ క్రితం భవానీ శంకరం అమెరికా నుండి ఇండియా వెళ్ళినప్పుడు మధ్యలో లండనులో ఆగి చూసివెళ్ళాడు. అక్కడ నీళ్ళ తేడా వల్లనో ఏంటో బాగా జలుబు తగులుకుంది. ఇండియా వెళ్ళాక కూడా తగ్గింది కాదు. మామూలుగా అయితే ఏ కోల్డారినో వేసుకుంటారు కదా. మనోడు అలాక్కాదు. మేధావి కదా - మామూలుగా ఆలోచిస్తే ఎలా కొంచెం బుర్ర గోక్కొని ఆలోచించాడు. ఇది మామూలు జలుబు అయివుండదని, అయివుండకూడదనుకొని హైదరాబాదులో L B నగర్ లోని ఇంటిదగ్గరే వున్న ఒక హాస్పిటలుకి వెళ్ళి ఒక డాక్టరును కలిసాడు.     

మామూలుగా జలుబు అని చెబితే డాక్టర్ దగ్గర తేలికవుతానేమో అని చెప్పి తాను విదేశం నుండి వయా లండనునుండి, దుబాయి నుండి ఇక్కడ వాలిన విషయం చెప్పి ఎలా జలుబు తగులుకున్నదీ హృదయవిదారకంగా వర్ణించాడు.    ఆ డాక్టర్ కూడా NRI పేషెంటు కాబట్టి ఘోరంగా జాలి కురిపించి ఇది మామూలు జలుబు అయ్యుండదు అన్నాడు. మన మేధావి గారు ఊరుకోకుండా తన తెలివంతా బయటపెట్టి నా ఉద్దేశ్యం ప్రకారం ఇది సైనసైటిస్ అయివుండొచ్చు అని ఆ వైద్యుడికి తన రోగం గురించి సలహా ఇచ్చాడు. ఏం రోగం అని చెప్పాలా అని బుర్ర గోక్కుంటున్న సదరు డాక్టర్ గారికి మనోడు మాంఛి ఐడియా ఇచ్చే సరికి ఆనందం పట్టలేక అవునవును, నాకూ అలాగే అనిపిస్తోంది. అందుగ్గాను మనం ఎక్సురేలు తీయించేద్దాం అని ఎక్స్ రేకి వ్రాసిచ్చాడు.   
ఎక్సురేకి వ్రాసిచ్చేసరికి మనోడికి సెల్ఫ్ పిటీ ఎక్కువయ్యి దీర్ఘరోగిలా ముఖం వేలాడేసుకొని ఆ హాస్పిటలులోనే వున్న ఎక్సురే యూనిటుకి వెళ్ళాడు. మాంఛి బకరా దొరికాడని ఆ డాక్టర్ గారు చెప్పినదానికి అదనంగా కొన్ని అటు ఇటూ పడుకోబెట్టి ఎక్సురేలు తీసి ఆ ఎక్సురే అసిస్టెంటు సంబరపడ్డాడు.   ఆ రిపోర్టులు వచ్చేంతవరకు దీనంగా, భారంగా సమయం గడిపేసి ఆ రిపోర్టులు పట్టుకొని డాక్టర్ కొరకు చూస్తే అతను ఆ రోజు రాలేదు. అక్కడున్న నర్సులు పెద్ద డాక్టరుని కలవమని చెప్పారు. ఆ పెద్ద డాక్టరుదే ఆ దవాఖానా. ఆమె గైనకాలజిస్టు కానీ మగ డాక్టర్ లేకపోవడంతో దయతలచి అతన్ని చూడటనికి ఒప్పుకుంది.      

ఆ ఎక్సురేలు చూసి ఎందుకివి అని అడిగింది. సైనసైటిస్ కోసం అని చెప్పాడు. లక్షణాలు అన్నీ అడిగి తెలుసుకున్నది. మీకు సైనసైటిస్ లేదు కదా, వుంది అని ఆ డాక్టర్ ఎందుకు చెప్పాడు? ఎందుకు ఈ ఎక్సురేలకి వ్రాసిచ్చాడు అని చిరాకు పడింది. తేలు కుట్టిన దొంగలాగా గప్‌చుప్ గా వుండిపోయాడు భవానీ శంకరం. మరో రెండు రోజులు జలుబు టాబ్లెట్లు వేసుకోండి - లేదా వేసుకోకండి - అదే తగ్గిపోతుంది అని చక్కగా మాట్లాడుతూ చెప్పింది. హమ్మయ్య అక్కడక్కడ నయినా ఇండియాలో వైద్యం ఇంకా బ్రతికేవుందని సంబరపడుతూ ఆ హాస్పిటలు నుండి బయటకు వచ్చాడు మన భవానీ శంకరం.     
ఇది కథ కాదు. నిజంగా జరిగిందే. ఆ భవానీ శంకరం ఎవరో మీకు తెలుసనే అనుకుంటున్నాను.  తెలియకపోతే ఏకలింగాన్ని అడగండి - చెబుతాడు.         

ఇది 3D TV అని చెప్పారు మా బంధువయిన డాక్టర్ గారు. ఓ ఇరవై రోజుల క్రితం అనుకుంటాను - చికాగో లో టివి డెమో ఇచ్చారు. ఆ టివిలు అప్పుడే అమ్మకానికి రావడమూ, డాక్టర్ గారు కొనడమూ అయిపోయిందా అని హాశ్చర్యపడిపోయి ఏదీ చూపించండి అని ఉత్సాహపడ్డాను. నాకు అంటే ఎందుకంత ఉత్సాహమో మీలో కొంతమందికయినా గుర్తుకువుండేవుంటుంది ;)  ఏదో కార్టూన్ మూవీ పెట్టి 3D కళ్ళద్దాలు మాకు పెట్టుకోమని ఇచ్చారు. మా ఇంకో బంధువు రెడ్డి (గారు) కూడా నాతో పాటు ఆ కళ్ళద్దాలు పెట్టుకున్నాడు.  

మేము కళ్ళద్దాలు పెట్టుకున్నాక "ఇప్పుడు చూడండి ఈ సన్నివేశాలు లో ఎంత బావుంటాయో! ఆ ఎఫెక్ట్స్, అవీ చాలా బావున్నాయి కదా" అని డాక్టర్ గారు కామెంటరీ ఇస్తూ పోయారు. 
రెడ్డి, నేనూ కళ్ళద్దాలు తీసివేసి, పెట్టుకునీ తరచి తరచి చూసి "అవునవును. చాలా బాగా కనిపిస్తోంది" అన్నాము.
"2D లో కంటే 3D లొ చూడటం చాలా బావుంటుంది కదా" అన్నారు
రెడ్డీ, నేను ఒకరినొకరం చూసుకొని "అవును, బావుంది, ఇలా చూడటం చాలా బావుంది" అన్నాం ఒక్కసారే.
డాక్టర్ గారు 3డి టివి యొక్క ప్రత్యేకతలను ఇంకా వివరిస్తూ వెళ్ళారు. నేను వారిద్దరితో   మొహమాటానికి తానా అంటే తందాన అనసాగాను కానీ కొద్ది సేపటికి నాకు ఓపిక నశించింది. కొద్దిగా బిక్క మొఖం వేసి "మీరు ఇంత బాగా చెబుతున్నారు కానీ నాకు 2D కంటే ఘోరంగా కనపడుతోంది" అని నసిగాను

"నిజ్జంగా!" అన్నారు బోలెడంత ఆశ్చర్యంతో. అపుడు వెలిగింది ఆయనకి. అద్దాలు పెట్టుకోగానే సరిపోదు. వాటిమీద వున్న బటన్ ఆన్ చేయాలి అని చెప్పారు. "ఆ విషయం మీకు తెలుసు కానీ మాకు తెలియదు కదా" అని ఆ బటన్ ఆన్ చేసుకున్నాం. అప్పుడు అద్భుతంగా ఆ టివిలోని దృశ్యాలు లో కనిపించసాగాయి. రాజు గారి బట్టల కథలో లాగానే 3D కనిపించడం లేదంటే మీరంతా ఏమనుకుంటారో అని నేను నోరు మెదపలేదు అని రెడ్డి గారు తాపీగా సెలవిచ్చారు!   
3D టివిని కాసేపు చక్కగా ఆనందించాక నాకో సందేహం వచ్చింది. 2D సినిమాలు ఇందులో చూస్తే 3డిలో కనపడుతాయా అని అడిగాను. కనపడుతాయి కానీ నిజమయిన 3D సినిమాలంత గొప్పగా అనిపించవు అని చెప్పారు. అయితే ఇందులో సింహా సినిమా చూపిస్తారా - బాల్కి (ఈ పేరు ఎవరో బ్లాగర్ వాడారు - నచ్చింది) తొడగొట్టడం 3Dలో చూడాలని వుంది. అలాగే నమితనూ...అని నసిగాను. అలాగే చూద్దాం అన్నారు కానీ అంతలోనే ఇంకా ప్రయాణానికి సిద్ధం కాలేదా అని నా హై కమాండ్ గాట్ఠిగా దూరం నుండి అరిచింది. ఇప్పుడు వద్దులెండి డాక్టర్ గారూ, నేను తయారు కాకుండా సింహా సినిమా 3Dలో చూస్తూపోతే బాల్కి ఏమోగానీ మా ఆవిడ నాకు 3Dలో కనపడుతుంది అన్నాను. కాదు మీ ఆవిడ 4Dలో మీ మీదకు ఏమయినా విసిరేస్తుందేమో  అని హెచ్చరించారు డాక్టర్ గారు.  
బాల్కి వీరాభిమాని అయిన మా మిత్రుడు సాగర్   ఈ సినిమాను 3Dలో చూసివుంటే ఆ ఆనందంతో ఒహటే తొడలు కొట్టుకొని వుండేవాడు కదా, అతన్నిక్కడికి తీసుకురావడం మరచిపోయాం అని అనుకున్నాం.     మా డాక్టర్ గారు సెలవిచ్చినట్లుగా 2D సినిమాలు కూడా 3Dలో 3D TV లో చూడొచ్చనడం నిజమే అయితే కనుక నా చిరకాల వాంఛ ఒకటి నెరవేరిందని మీకు ప్రత్యేకంగా గుర్తుకుచేయనవసరం లేదు కదా.  కాకపోతే అది నాకు అనుభవం కావడానికి ఎన్నిరోజులు పడుతుందో ఏమో.  నెమ్మదిగా చూద్దాం.  తొందరేం వుంది?